EPISTRES XXII.

Conduy toi de cette sorte. Ne vueille pas seulement estre vertueux, ains aussi tasche de faire paroistre que tu le sois. Vne des plus grãdes punitions du vice est, d’estre tenu pour vicieux: & vne des plus grandes recompenses de la Vertu, est d’estre recogneu pour vertueux. Demosthenes Lacedemonien proposa vn ad-[307/308]uis qui estoit tres-vtile, & tres-bon: mais à cause qu’il estoit estimé tres-meschant, & de vie tres-dissolue, le peuple reietta son cõnseil. Mais les Ephores, qui en recogneurent l’occasiõ, firent faire la mesme propositiõ, par vn des plus sages du cõseil qu’ils esleurent, & lors le peuple l’approuua, & s’en seruit; non autrement que nous voyons aduenir bien souuent des viandes, qui encor que bonnes d’elles mesmes, toutesfois nous degoutent infiniment si elles sont seruies dans des plats sales & couuerts d’ordure. Il ne faut point douter que cette opinion n’ait vne tresgrãde force en l’ame des plus aduisez. De sorte qu’il semble que pae elle toutes nos actions soyent tournees ou en bien ou en mal. [308/309] Aussi ne croirons nous, si nostre amy nous presente quelque chose, qu’elle n’est point empoisonnee? Et s’il nous en vient de nos ennemis, qui croira que ce ne soit pour nous nuire?

Mais qui se persuadera que le poison luy puisse rapporter la santé: & la bonne nourriture la mort? Et y a il plus grand poison que le vice: ou quelque meilleure nourriture pour nostre ame que la Vertu? Mais, diras tu, l’opinion que l’on a de moy, ne me fait estre ny plus ny moins homme de bien: Non pas en toymesme, mais si fait bien en la creance que les autres ont de toy: Que si tu auois à viure tout seul, cette reputation seroit vai-[309/310]ne : mais puis que tu ne peux t’eslogner ny separer des hommes, il faut qu’a l’imitation de la rose, non seulement tu ayes la bonne senteur en toy mesme, mais que tu la fasses aussi ressentir à ceux qui s’approcheront de toy. Voys tu que sert l’opinion: En temps de peste si quelqu’vn vient d’vne ville suspecte, nous l’eslognons de nous, & luy faisons faire la quarantaine, & encor qu’il n’ait point de mal, nous ne toucherions quoy que ce soit du sein: Au contraire vn autre, qui peut estre viendra du mesme lieu, mais qui par quelque moyen aura eu vne attestation du contraire, nous le receuõs parmy nous, nous mangeons à mesme table, beuuons à mesme verre, & peut estre couchons en mesme lict: & [310/311] à l’aduenture que cettuy-cy aura desia la glande. Mais comment veux tu que ie croye les remedes que tu me donras estre bons, si ie n’ay opinion que tu sois bon medecin? A plus forte raison, si vn hõme que ie croiray vicieux me conseille, ie fuiray son cõseil: d’autant qu’il me semblera qu’il me doiue trainer à son precipice. Mais, qui est celuy qui est creu mauuais, les tienne cachees: car telle creance les fera interpreter toutes selon le vice dont il sera taxé. Si c’est vn homme plein de volupté, c’est pour desbaucher quelque personne: s’il est auare, c’est pour quelque vsure: s’il est larron, pour quel-[311/312]que volerie: Au contraire, si nous voyons faire quelque chose de mauuais à ceux dont nous auõs bonne opinion, nous croyõs que c’est pour quelque desseing, qui doit estre ainsi caché. Et comme ces disciples affectionnez à quelques vns de ces grands Philosophes, chefs de l’vne des sectes, se consomment l’ame & l’esprit pour tourner à bien quelque opinion fausse des leurs, s’il s’y en treuue; aussi nous trauaillons à rendre mesme leurs mauuaises actions loüables: Et suffit, pour dire qu’il est vray, de rapporter qu’ils l’ont dit ainsi. Quãd il me souuient de l’honneur que les Atheniens firent à Xenocrates, pour la bonne reputation qu’il auoit entre eux, ie ne puis qu’estimer infiniment ce bruit, que [312/313] quelques vns croyent deuoir estre desdeigné. C’estoit la coustume de leur Republique, apres auoir deposé de quelque chose, de iurer sur l’Autel, qu’on auoit dit verité ; Mais quand il s’y presenta, tous les iuges se leuerent, & luy dirent; La parole de Xenocrates nous est plus asseuree, que le serment d’vn autre: Au contraire, le peuple Romain; quãd Carbon luy asseura quelque chose auec serment, plein d’execratiõ, tout d’vne voix iura hautement, qu’il n’en croyoit rien, & toutesfois ce mesme Senat, quand Metellus fut appellé deuant luy en iugement, lors que ceux qui l’accusoyent presenterent leur liure, tous les Senateurs en detournerent les yeux, pour ne monstrer seulement de douter de sa vertu, [313/314] & quelqu’vn d’entrer eux respondit aux imposteurs; Il vaut mieux, pour iuger Metellus, lire sa vie en ses action, que en vos liures: Mias quand par le mesme Senat Publius Rutilius fut banny en Asie, où il auoit retranché les Thresotiers generaux, tant s’en faut qu’il y fut traitté en bãny, que ceux de la Prouince luy enuoyerent des Ambassadeurs, qui le festoyerent par toutes les villes où il passa; non point cõme chassé de sa patrie, mais quasi comme venu parmy eux pour triumpher. Ce fut sa seule bonne reputation, qui au lieu de la honte prepara tant d’honneur à ce grand personnage. Et par là nous cognoissons tres veritable ce que dit Valere le grand, que cette reputation est vn honneur [314/315] perpetuel, & sans office. Que faut il dõc autre chose à l’ambitieux? Quoy d’auãgeau magnanime? Et quoy au Vertueux? Aux premiers, pour saouler le desir d’hõneur, qu’ils ont tant dans l’ame: Et aux seconds pour recompence de leurs vertus, que cette bonne Renõmee? Quelques ouurier promettoyent à Liuius Drusus, Senateur Romai , de faire en sorte, que ses voisins, qui descouuroient & voyoient en plusieurs endroits de sa maison, n’auroient plus de veuë sur luy, pourueu qu’il leur dõnat trois mille escus.Mais ie vous en donray six mille,leur dit-il, & faites en sorte que l’on voye en ma maison de tous costez: Cet homme sage & graue cognoissoit, combien la Vertu cogneuë r’apporte de bien aux [315/316] vertueux. Mais que ie profite le thresor caché à l’Auare? Et la science au docte Legiste, quand personne ne le sçait. Car nul iamais n’ira prendre sin conseil, ny l’emporter à sa cause, s’il n’a reputation de sçauant, ou d’eloquent: Mais si i’auois beaucoup d’argent, ne serois tu pas bien deceu? & s’il t’aduenoit d’en auoir afffaire, ne t’addresserois-tu plustot à vn banquier incogneu, qu’a moy, qui te suis amy? Il n’en aduient point autrement de ceux, que nous croyons ou mescroyõs g?s de bi?. Viuons donc: mais viuons en public, & n’obseruons point ce vieux prouerbe, Cache ta vie, pour le moins tãt que nous serons parmy les hommes, viuons au iour, & donnons plustot grandes sommes d’ar-[316/317]gent, si nous les auons, pour faire chanter nos actions, que non point pour les couurir de silence. Considere quels oyseaux sont ceux qui vont de nuict, & tu cognoistras que ce sont ceux qui ne peuuent supporter la lumiere du Soleil: de mesme ceux qui fuyent ce Soleil de la veuë de chacun, c’est pour ne se ressentir assez forts pour telle lumiere. Ceux qui ayment les tenebres, craignent d’estre esclairez, & c’est vne marque quasi certaine de se cognoistre difformes en quelque sorte: car la nuict cache telles laideurs. Mets toy dõc au iour, à fin que si tu es beau, tu te puisses acquerir le reputation que merite telle beauté, & si tu es laid tu regardes par l’artifice de raccomoder, au mieux qu’il te [317/318] sera possible, le vice de la nature. Mais as tu iamais pris la peine de voir faire les rempars? Figure toy que pour bastir cette bonne opinion, il en faut vser de la mesme sorte. Combien de hottees de terre: combien de licts de fascines : combien de rangs de gazons, faut il coucher l’vn sur l’autre, auant que telles fortifications soyent mises en deffence ? Aussi pour mettre en mesme estat cette reputation, il faut de toutes les Vertus faire vn si grand amas, qu’estant disposees chascune en leur place par la prudence, il s’en esleue comme vne grande montagne: Il faut auoir donné cognoissance de iustice, tenant la main à ce que les foibles ne soyent oppressez, & que les autres ne demeurent im-[318/319]punis. De la magnanimité, se maintenant dans les plus hautes gloires sans gloire: De force, viuant, d’vne esgale balance, en la bonne comme en la mauuaise Fortune: De l’attrempence, ne se laissant non plus vaincre aux voluptez qu’aux doleurs. De la vaillance, ayant cent fois ensanglanté l’espee de son ennemy: & la sienne aussi du sang l’vn de l’autre, pour le seruice de la patrie, ou du Prince qu’il sert: & ainsi des autres Vertus. Mais comme il ne suffit pas d’vne hottee de terre, d’vn lict de fascines, & d’vn rang de gazons, pour parfaire vn rempart: Aussi ce n’est point assez d’auoir de chascune de ces vertus donné vn seul tesmoignage, il faut en toutes les occasions y en re-[319/320]ioindre de nouuelles: & ne faut seulement les prendre quand elles se presenteront, mais les recercher auec la mesme curiosité, que les choses plus necessaires à nostre vie. Ne te ressouuiens tu point de sa responce que Phocion fit aux Ambassadeurs d’Alexandre? Ce grand Rox luy auoit envoyé par eux, cent talents: Il leur demanda, pourquoy leur Maistre enuoyoit à luy seul tels presents, veu qu’il y auoit tant d’autres Atheniens? Il luy respondirent, que c’estoit parce qu’il l’estimoit entre eux tous, seul homme de bien, & vertueux:Qu’il me laisse donc, leur respondit-il, & l’estre, & le sembler.O que ce Phocion cognoissoit bien, & le merite de cette reputation, & comme il la falloit conseruer! [320/321] Vne houssine rompra plustot les reins à vn serpent, qu’vn plus gros baston: Et vn coup de baguette sur le nez, tuera plustot vn Tesson, que vne masse qui luy dõnera ailleurs sur le corps: Aussi les grands coups ne sont pas ceux qui peuuent abatre ces rempars: les tonnerres de la Fortune y perdent bien souuent leurs forces: mais le soupçon les ruinent entierement. Il ne faut s’estonner, si, si peu de chose a tant de puissance contre vne forteresse qui couste tãt à bastir. Le Lyon, qui est si fort & courageux, s’espouuente de sorte, oyant le cry du coq, qu’il se r’enferme tremblant dãs sa cauerne. On dit que les choses plus parfaictes sont plus sugetes d’estre alterees : aussi les plus parfaictes complexiõs [321/322] sont plus sugetes à toutes sortes d’onconueniens.

Ne t’esbays donc qu’vn soupçon puisse offencer la reputatiõ: mais à l’imitation des prudens Capitaines, taschons de remparer, de plus forts artifices, les aduenues les plus foibles de nostre camp. Ie vouloy clorre cette lettre, mais i’ay tant deuant les yeux la memoire de ce grand Prince mon maistre, qu’à la plus part de mes conceptions, il faut que le ressouuenir de ses actions ait lieu. Apres que Vienne luy eust esté soustraicte de la sorte que tu sçais, il tomba en cette grande maladie, dont il ne releua depuis. Et encor que ses affaires allassent en decadence, à cause du grand coup que cette ville luy auoit donné, si ne laissa-il d’estre [322/323] fort recerché de ses ennemis. Ie vis lors que quelques vns de ses seruiteurs, qui le conseilloient d’accommoder ses affaires, puis que le temps le requeroit, & que l’occasion en estoit belle: Tant s’en faut (leur respondit-il) c’est à cette heure qu’il faut que nostre resolution se change, s’il est possible en opiniastreté, pour faire paroistre que non point l’Ambition, mais la Religiõ nous a mis les armes à la main: & en mauuaise Fortune, pour le moins i’ay ce contentement, de pouuoir rendre preuue irreprochable de mon intention: Car puis que tenant fort peu en France; & ayant opinion d’y deuori tenir encor moins, dans peu de temps, si toutesfois, à cause de ma Religion ie refuse de trebelles & honnorables conditions des ennemis, où est l’ambition dont autresfois on [323/324] m’a tant accusé?

Et il est tres veritable, amy Agathon, que par ce moyen ce grand Prince ne laissa personne en doute, que ce fut ce sainct dessein du seruice de Dieu, qui l’eut armé en ces dernieres guerres ; Puis que se voyant delaissé des siens: & ses ennemis tres-grands, & s’accroissans de iour en iour, le requerir toutesfois d’amitié auec de tresbelles offres, il ne les voulut iamais escouter. A son exemple, ô amy, desdeignons tout ce qui peut amoindrir la bonne opiniõ qu’on peut auoir de nous: & nous ressouuenons de ce qu’il souloit dire si souuent. Que le seruiteur qui auoit reputation d’estre vaillant plusieurs fois, estoit plus honoré que son Maistre. [324/325]